СурэтышIэ цIэрыIоу ПэтIыощэ Феликс дунаим ехыжьыгъ. (17.03.2025)
ПэтIыощэ Феликс сурэтышIэ IэпэIэсагъ, Урысыеми, IэкIыб хэгъэгухэми ыцIэ, иIофшIагъэхэр ащашIэщтыцгъэх. Феликс 1948 илъэсым Мыекъуапэ къыщыхъугъ.
Москва исэнэхьат тегъэпсыхьагъэу щеджагъ ыкIи икъалэ къыгъэзэжьыгъ. Лъэныкъо зэфэшъхьафхэмкIэПэтIыощэ Феликс сурэт ышIыщтыгъ. I979 илъэсым Адыгеим исурэтышIэхэм ясоюз зэхищагъагъ ыкIи ащ ипэщагъ. Мыекъуапэ сурэт гъэлъэгъуапIэм изэхэщэн икIэщэкIуагъэхэм ащыщ.
ПэтIыощэ Феликс иIофшIагъэхэр адыгэ лъэпкъым, ащ итарихъ, ищыIэкIэ-псэукIэ, идунэететыкIэ афэгъэхьыгъэх. Урысыем изаслуженнэ сурэтышI, Адыгэ Республикэм инароднэ сурэтышI – фэдэ цIэ лъапIэхэр ащ къылэжьыгъэх. Илъэс 77 итэу ПэтIощэ Феликс идунай ыхъожьыгъ.
facebook.com
Comments
Post a Comment