Наш Расул сэмэгумкIэ ятIуанэрэр
СамбэмкIэ Урысые Федерацием ичемпионатэу Краснодар щыкIорэм иапэрэ мафэ Адыгэ Республикэм щыщ бэнакIоу Наш Расул дышъэ медаль къихьыгъ. Ар килограмм 71-м нэс къэзыщэчыхэрэм якуп щыбэнагъ.
Наш Расул финалым Свердловскэ шъолъырым илIыкIоу Али Турсуновым щыIукIагъ ыкIи пчъыгъэхэмкIэ 6:3-у текIуагъ.
Мы медалым республикэр ежагъ, сыда пIомэ аужырэу Адыгеим илIыкIо Урысые Федерацием ичемпионат текIоныгъэр къызщыфагъэшъошагъэр 2019-рэ илъэсыр ары.
Расул зыгъасэхэрэр Джарымэкъохэу Рустемрэ Азмэтрэ. Апэрэ тренерэу иIагъэр Джарымэкъо Нурбый.
СамбэмкIэ Урысыем ичемпионат къэралыгъом ишъолъыр 61-мэ къарыкIыгъэ спортсмен 640-рэ хэлажьэ. Адыгеир нэбгыри 8-мэ къагъэлъагъо: Наш Расул, Тыгъужъ Тимур, Кобл Рэмэзан, Мэлгощ Адам, СтIашъу ТIахьир, Хьакъуй Амир, Гъомлэшк Анзор ыкIи Татьяна Шаталовар.
Comments
Post a Comment