ТхэквондомкIэ Урысые Федерацием ичемпионат Къэбэртае-Бэлкъар Республикэм икъэлашъхьэ Налщык щыкIуагъ. Къэралыгъом ишъолъыр 44-мэ къарыкIыгъэ спортсмен 400-м ехъумэ заушэтыгъ.
Адыгэ Республикэм илIыкIохэм гъэхъэгъэшIухэр ашIыгъэх, медалитIу къахьыгъ.
СпортымкIэ дунэе класс зиIэ мастерэу Даур Къадырбэч ухьазырыныгъэ дэгъу къыгъэлъэгъуагъ, дышъэ медаль къыхьыгъ. Ар къин къыщымыхъоу финалым нэсыгъ ыкIи Татарстан испортсменэу Муслим Ахтаевым текIуагъ.
Джащ фэдэу Адыгеим щыщ Эрик Насуллаевым ящэнэрэ чIыпIэр къыфагъэшъошагъ. Команднэ зэнэкъокъухэм республикэм илIыкIохэм я 7-рэ чIыпIэр къащыдахыгъ.
Comments
Post a Comment