Бэхъсэн къалэм дэсым и 99% адыгэщ!
Мы къалэм и унафэщӏхэм мыпхуэдэ унафэ къыщащтэм лъэпкъ къызыхэкӏам тӏэкӏу уегупсысауэ пӏэрэ?
Адыгэм и тхыдэр тӏэкӏу зырагъэщӏа? Хэкум и хуитыныгъэм папщӏэ зи Псэр зытахэм тӏэкӏу щыукӏытакъэ?
Дапщэщ адыгэ лъэпкъым ди лӏыхъужьхэм я цӏэхэр ди жылэхэм и уэрамхэм щыфӏатщыжыныр?
Адыгэр лъэпкъ щхьэхуиту дыкъызэтенэным папщӏэ зи Псэр зытахэм ди уэрамхэм я цӏэ зырахьэну къамылэжьыуэ сыт е хэт ар нэгъуэщӏ нэхъ зыхуэфащэр?
Хьэтӏохъущокъуэ Кургъуокъуэ, Хьэтӏохъущокъуэ Мыхьэмэт (ӏэшэ), Къетыкъуэ Аслъэнбэч сымэ хуэдэхэм я цӏэхэр ди уэрамхэм дапщэщ щызэрахьэныр?
Хьэмэр ди нарт лӏыхъужьхэм я цӏэхэр дапщэщ уэрамхэм тедзауэ щытлъагъуныр?
Хэкур ди Хэкумэ, жылэр адыгэ жылэмэ ди лӏыхъужьхэм я цӏэхэр адыгэбзэкӏэ щхьэ щыдмылъагъурэ?
Къэхъунщ лъэхъэнэ ди лъэпкъыми и пщӏэр щигъуэтыжын! Ди уэрамхэм адыгэбзэкӏэ хуэфащэ цӏэхэр зэрахьэу ди щӏэблэм щалъэгъун!
Абы щыгъуэ мыпхуэдэ хьэдэгъуэдахэхэр зыщӏахэм пунэлат ирахыу тхыдэм хэкӏуадэжынщ!
КъуэкIэсыкъуэ Мартин
04.11.2024
Фейсбук.
Comments
Post a Comment