КIуэкIуэ Казбек Къэбэрдей-Балъкъэрым и Iэтащхьэу хахыж

 

Къэбэрдей-Балъкъэр Республикэм и Парламентым КъБР-м и Iэтащхьэр хэхыным теухуауэ къызэригъэпэща зэIущIэр щIидзэжри, щэхуу екIуэкIа IэIэтым кърикIуахэр Къэзыбж комиссэм и тхьэмадэ ТекIушэ Артур утыку кърихьащ. КъБР-м и Парламентым и депутатхэр 70 зэрыхъур, абыхэм ящыщу 69-рэ нобэ къызэрырихьэлIар, апхуэдиз дыдэ бюллетень зэрагъэхьэзырар жиIащ къэпсалъэм.

Депутатхэм Iэ яIэта нэужь, бжыгъэхэр къалъытэжри, наIуэ къащIащ: Войтов Алексей щхьэкIэ зыми Iэ иIэтакъым, КIуэкIуэ Казбек и кандидатурэр депутат 69-м даIыгъащ, Шаваев Ильяс щхьэкIэ зыми Iэ иIэтакъым.

Апхуэдэ щIыкIэкIэ, депутат псори зэдэарэзыуэ КъБР-м и Iэтащхьэу иджыри илъэситхукIэ лэжьэну хахыжащ КIуэкIуэ Казбек.

 

НэщIэпыджэ Замирэ

Адыгэ Псалъэ - apkbr.ru