Нагъабэ (хьэмэрэ и щыпэгъэра ара) Жэнхъуэтхьэблэ (Псыгуэнцу) щыlaщ адыгагъэр зы махуэкlэ. Хъарзынэу "къекlухь", ауэ лъэпкъым къыбгъэдыхьэжкъым. Мыпхуэдэ lуэхугьуэр илъэс тlощlрэ пщlырэ и пэ ялэжьу щытащ. Хьэбгъэзыхьым нэхъ гуэщlэжу - гупу активистхэр зэхуэсырэ къуажэ-къуажэхэм кlуэрэ адыгэбзэр пэщlэдзэ классхэм зэрыщаджыри къахутэу! Нобэ Хьэфlыцlэм и гупыр макlуэри адыгэбзэкlэ спектакль къагъэлъагъуэри "адыгагъэ зетхьащ"- жаlэри зэбгырокlыж. Нэгъуэщlу жыпlэмэ, илъэсым зэ ды-адыгэну дырагъэуващ, адрей махуэхэм урысыбзэм и монополиещ, дэтхэнэ гъуанэми къыдицыцыкlыу.
Хъуну абыкlэ лъэпкъыр хъума?!
Иджыпсту зэманым къигъэувыр дэ, хьэдырыхэ гъуэгум лъэпкъыр къытетшу дызэрызэтеувэжын хуейр аращ, ауэ диlэ апхуэдэ гъуэр зэманым зэрыжиlэм хуэдэу зыгъэзэщlэфын цlыху, е гуп???
Хьэфlыцlэ Мухьэмэд организатор талант хъарзынэ иlэщ. Куэдым гу лъетэф. Адыгэ культурэр lуэдыщэ къедза лъэпкъхьэм къызэдагъэхъуауэ хэзыгуашэ бзаджэнаджэхэм пэщlэувэну lуэху гуэрхэри зэрихуа хуэдэщ (https://www.facebook.com/share/p/VKcdVFpHkrk1GLic/?mibextid=oFDknk),
ауэ шынэкъэрабгъэщ. Властыр фlыщэу елъагъу. Властым и жыlэми ебэкъуэнукъым, властым пэщlэувэфыни зыбгъэдигъэхьэнукъым. Вэрыкъуэ Зэтийрэ Шэшэн Хьэутийрэ нэхъ хьэбэлlабэ хъун папщlэ пlaлъэкlэ зришэлlэ хуэдэу ищlауэ аращ. Нобэ зэманым ди пащхьэ къригъэувэ lуэхухэр илэжьыну ущыгугъым лъэпкъыр жэкъуэнущ.
Зы псалъэ жиlа абы урысейм и лъэпкъхэм я щlэблэр урысыбзэкlэ фlэкlа емыджэну хабзэ - Закон къыщыхилъхьам???
Нобэ лъэпкъыр lэщэкlэ зыукlыжыр закъуэ-тlакъуэщ. Лъэпкъыр быукlынумэ и щlэблэм анэдэлъхубзэр къыlурычи зэфlэкlащ. Къытщlэхъуэ щlэблэр илъэс хъурейм урысыбзэкlэ фlэкlа емыджэу, илъэсым зэ сабантуй анэдэлъхубзэкlэ пщlыкlэ адыгэбзэри, хабзэри хъума хъун? Сабийм я унагъуэм ис нэхъыжьхэри урысыбзэкlэ фlэкlа я унэми щимыгъэпсэлъэжу унагъуэхэр къызэрытхэкlым и гугъу ищlыххэркъым, илъэсым зэ Чернэ речкэ хуэдэ къуажэ гурым зэры щы-адыгам иригушхуэжым псори хъуауэ елъытэ. Адыгагъэ ар???
Нобэ, империер щылъэлъэжыну зыщигъэхьэзырым зэгупсысын хуейр быухуэну зэхэтыкlэр аращ. Адыгэ Хасэм ущыри-ТХЬЭМАДЭКlЭ цlыху нэхъыбэ, я еплъыкlэр зэтемыхуэу, къешэлlауэ я гупсысэхэм хэплъэн хуейщ. А президент дыдэм хуэптх хъунущ лъэпкъыбзэхэр звгъэкlуэд законыр къриджэжу, пэщlэдзэ классхэм урысыбзэ зэрыщеджэр анэдэлъхубзэм тришэжыну, е зэпэныкъуэу зэдагуэшыну урысыбзэмрэ анэдэлъхубзэмрэ. Лэжьэн хуей къудейуэ аращ - адыгэбзэм телэжьэн, бутафорие lуэху нэпцlхэр лъэныкъуэ егъэкlуэтэкlауэ. Ди адыгэбзэм къыпэщылъ къалэнхэр псэ зэпылъхьэпlэщ икlи илъэсым зы адыгэ къуажэ гуэрым адыгэбзэкlэ джэгу щыпщкlэ ди бзэм нобэ кърах лнейр тхуэгъэзакlуэжыфынукъым.
Comments
Post a Comment